Տնտեսական աճի նվազման պատճառները

Այսօր` կառավարության նիստից հետո, ՀՀ էկոնոմիկայի նախարար Արծվիկ Մինասյանը լրագրողների հետ զրույցում պատասխանեց այն հարցին, թե ինչո՞ւ է ամռանը նվազել տնտեսական աճի տեմպը: Հիշեցնենք, որ նա խոստացել էր ուսումնասիրել տնտեսական աճի նվազման տեմպերը:

Նախարարը նշեց, որ իրենց կողմից իրականացվող ուսումնասիրությունները շարունակվում են: Մի  շարք որլորտներում, որտեղ արձանագրված է տեմպի նվազում, կան մի քանի պատճառներ: Ըստ նրա` առաջին պատճառը կապված է արձակուրդային շրջանի հետ, և ըստ ընկերությունների տված բացատրությունների` իրենք արձակուրդի են գնացել, և  քանի որ արտադրության պաշար են ունեցել,  արտադրության ծավալները  չեն ավելացրել:  Երկրորդ պատճառը կապված է եղել Լարսի անցակետի հետ, որը  որոշակի խոչընդոտներ է ստեղծել արտահանման համար: Մի շարք դեպքերում էլ ընկերությունները միջոցների խնայողություններ են արել: Մնացած պատճառները դեռ ուսումնասիրվում են:

Նախարարը նշեց, որ իր համար սկզբունքային նշանակություն ունի, թե ինչպիսի հիմնարար փոփոփոխություններ են իրականացվում, որպեսզի, միջնաժամետ և երկարաժամկետ առումով, Հայաստանն ունենա շատ ավելի կայուն երկնիշ տնտեսական աճեր: «Սա  ինձ համար շատ ավելի կարևոր է, քան մեկ, երկու, երեք տոկոսային կետերի աճերի այսօրվա քննարկումը»,- ասաց նա: