Շերը խիստ քննադատությունների է արժանացել Թուրքիայում ահաբեկչության վերաբերյալ գրառման համար

Ամերիկահայ երգչուհի Շերը Twitter-ում գրառում է արել Ստամբուլի Աթաթուրքի անվան օդանավակայանում տեղի ունեցած ահաբեկչության վերաբերյալ, ինչը թուրքերի կողմից խիստ քննադատությունների է արժանացել:

Ըստ Hurriyet-ի՝ երգչուհու հասցեին բացասական գրառումներ են արվել այն պատճառով, որ նա «մենք բոլորս աղոթում ենք Թուրքիայի օդանավակայանի անմեղ զոհերի համար» գրառումից հետո օգտագործել է ռումբի և պայթյունի սմայլիկներ:

Ավելի ուշ Շերը ևս մեկ գրառում է կատարել՝ նշելով, որ ցավում է անտեղի օգտագործված սմայլիկների համար: Երգչուհին այդ սմայլիկների կիրառումը մեկնաբանել է որպես  ավելի շատ հույզեր արտահայտելու միջոց:

Հիշեցնենք, որ հունիսի 28-ի երեկոյան Ստամբուլի Աթաթուրքի անվան օդանավակայանում տեղի ունեցած ահաբեկչության հետևանքով զոհվել էր 41, վիրավորվել՝ 239 մարդ: