Մենք ո՞վ ենք, որ էստեղից դասեր տանք ԼՂ Հանրապետությանը. Շարմազանով

Այսօր ԱԺ քառօրյա նիստում, ուր քննարկվում էր «Պետական գույքի կառավարման մասին» օրենքում փոփոխություններ կատարելու հարցը, ելույթ ունեցավ «Ժառանգություն» խմբակցության ղեկավար Զարուհի Փոստանջյանը: Սակայն նրա ելույթը չէր վերաբերում օրակարգային քննարկվող հարցին: Փոստանջյանը սկսեց խոսել Ստեփանակերտում ծեծի ենթարկված ընդդիմադիր պատգամավոր Հայկ Խանումյանի մասին` ասելով, որ պատգամավորները պետք է հանդես գան դատապարտող հայտարարությամբ:

Արձագանքեց ԱԺ նախագահի տեղակալ Էդուարդ Շարմազանովը` ասելով, որ ԼՂՀ-ն ինքնուրույն պեություն է, և պետք չէ Հայաստանի ԱԺ ամբիոնից կոչեր անել ուղղված ԼՂ Հանրապետությանը:

«ԼՂՀ-ն ունի իրավապահ համակարգ, և ես համոզված եմ, որ ԼՂՀ իրավապահ մարմինները կքննարկեն ու կորոշեն` ինչ է եղել: Մենք ո՞վ ենք, որ էստեղից դասեր տանք ԼՂ Հանրապետությանը: ԼՂՀ-ն ունի ընտրված նախագահ, պառլամենտ, իշխանություն և իրավապահ համակարգ, որն էլ կորոշի»,- ասաց ԱԺ նախագահի տեղակալը: