90 տոկոսով հայտնի է` ով կլինի Թուրքիայի նոր վարչապետը

Թուրքիայում իշխող «Արդարություն և զարգացում» կուսակցության կուլիսներում շարունակվում է քննարկվել նոր վարչապետի ընտրության հարցը:

Ըստ Demokratahber-ի` 90 տոկոսով հայտնի է, որ Թուրքիայի նոր վարչապետ կդառնա տրանսպորտի նախարար Բինալի Յըլդըրըմը: Այս մասին հայտնել է թուրքական Hürriyet թերթի սյունակագիր Աբդուլքադիր Սելվին:

Նշենք, որ Թուրքիայի վարչապետ Ահմեդ Դավութօղլուի հրաժարականից հետո շրջանառվում է 6 թեկնածուի անուն՝ տրանսպորտի նախարար Բինալի Յըլդըրըմ, Ռեջեփ Թայիփ Էրդողանի փեսա՝ Էներգետիկայի և բնական պաշարների նախարար Բերաթ Ալբայրաք, արդարադատության նախարար Բեքիր Բոզդաղ, առողջապահության նախարար Մեհմեթ Մյուեզզինօղլու և փոխվարչապետ Նուման Քուրթուլուշ, պաշտպանության նախարար Իսմեթ Յըլմազ:

ԱԶԿ-ի արտահերթ համագումարն ու վարչապետի ընտրությունը տեղի կունենան մայիսի 22-ին: