Կողմերը պատրաստակամ են պահպանել հրադադարի ռեժիմը. Իգոր Պոպովը՝ Հայաստանում

Հայաստանում են ԵԱՀԿ Մինսկի խմբի համանախագահները: Քիչ առաջ նրանք հանդես եկան մամլո ասուլիսով:

ԵԱՀԿ Մինսկի խմբի ռուս համանախագահ Իգոր Պոպովը նշեց, որ երեքշաբթի օրվանից տարածաշրջանում են, իսկ մինչ այդ Վիեննայում էին, որտեղ շփման գծում հրադադարի ռեժիմի խախտման մասին քննարկում էր:

«Մենք այցելել ենք նաև ԼՂՀ: Մեր նպատակն է՝ կարգավորել իրավիճակը և այնպես անել, որ մարտական գործողությունները չկրկնվեն: Մեր քննարկումներից հետևյալ եզրակացությանն ենք հանգել` կողմերը պատրաստակամ են պահպանել հրադադարի ռեժիմը` ինչպես պայմանավորվել էին Մոսկվայում` դեռ երեքշաբթի: Հասկանում ենք, որ պետք է երկու կողմերն էլ քաղաքական քննարկման գնան, վերականգնեն երկու երկրների միջև իրար հանդեպ վստահությունը»,-ասաց Պոպովը:

 Նա նշեց նաև, որ այս պահին կարևոր հարցերից է երկու կողմերի զոհերի դիակների վերադարձը: Նախատեսում են եւս մեկ հանդիպում՝ մեկ շաբաթ անց: Պոպովը ցավակցություն հայտնեց բոլոր զոհվածների ընտանիքներին: