Արյուն հանձնելու անհրաժեշտություն չկա. Շարմազանով

Այսօր ԱԺ հերթական քառօրյայում «Ժառանգություն» խմբակցության պատգամավոր Թևան Պողոսյանը, անդրադառնելով վերջին օրերի ամենաթեժ թեմային՝ սահմանին լայնածավալ ռազմական գործողություններին, հարցրեց. «Ոգեշնչվելով և ուրախանալով հզոր ազգային կոնսոլիդացիայով` մի խնդրանքով եմ ձեզ դիմում: Քանի որ սոցիալական կայքերում ու մամուլում շատ են հնչում տարբեր տեսակի կոչեր, օրինակ՝ արյուն հանձնելու հետ կապված, կարո՞ղ եք ճշտել` մենք դրա կարիքն ունե՞նք, թե՞ ոչ»:

Էդուարդ Շարմազնավոը նշեց, որ իսկապես առաջին իսկ րոպեներին հանրությունը պատրաստ էր արյուն տրամադրել: «Մենք շատ բարձր ենք գնահատում այդ համախմբումը, ինչը խոսում է բարձր բարոյահոգեբանական մթնոլորտի մասին: Զրուցել ենք առողջապահության նախարար Արմեն Մուրադյանի հետ, ասվել է, որ արյան կարիք չկա, և եթե կարիք լինի, համապատասխան մարմինները կոչով կդիմեն հանրությանը: Այս պահին արյուն հանձնելու անհրաժեշտություն չկա»,- ասաց  նա: