Գեւորգ Կասպարովը` հավաքական չհրավիրվելու մասին

Արդեն հայտնել ենք, որ ՀՖՖ նախագահ Ռուբեն Հայրապետյանը «Ֆուտբոլ+»-ին տված  հարցազրույցում հայտնել էր, որ հավաքական չեն հրավիրվելու Յուրա Մովսիսյանը, Գեւորգ Կասպարովն ու Ռոբերտ Արզումանյանը: ՀՖՖ նախագահի հայտարարության հետ կապված` Yerkir.am-ը զրուցեց դարպասապահ Գեւորգ Կասպարովի հետ:  

«Ես ասելու ոչինչ չունեմ:  Եթե ֆեդերացիայի նախագահը այդպես է որոշել, ուրեմն այդպես էլ պետք է լինի: Չգիտեմ, թե ինչի հետ է կապված չհրավիրելը եւ չի էլ հետաքրքրում: Ամեն դեպքում, եթե ինչ-որ բան կա, պատրաստ եմ ինքս ամեն ինչ լսել:  Երբ ստացել եմ հրավեր, գլուխս կախ գնացել եմ: Այս պահին իմ մտքերը միայն կապված են «Ալաշկերտի» հետ,- ասաց նա:

Խոսելով Ռոբերտ Արզումանյանի` հավաքականում կարիերան ավարտելու որոշման մասին` Կասպարովն ասաց. «Ռոբերտը երեխա չէ, եւ գտել է, որ այլեւս պետք չէ խաղալ հավաքականում, ուրեմն պետք է հարգենք նրա որոշումը»: