Եկեք պատգամավորներին միասնաբար զրկենք անձեռնմխելիությունից. Դավութօղլու

Թուրքիայի վարչապետ Ահմեդ Դավութօղլուն մեջլիսի պատգամավորներին անձեռնմխելիությունից զրկելու կոչ է արել. տեղեկացնում է AA գործակալությունը:

«Եկեք միասնաբար վերացնենք անձեռնմխելությունը՝ առանց կուսակցությունների մեջ խտրականություն դնելու: Եկեք բոլորին միաժամանակ զրկենք անձեռնմխելությունից: «Արդարություն և զարգացում» կուսակցությունը վախենալու ոչ մի բան չունի: Մեզ ոչինչ չի մտահոգում»,- ասել է նա:

Նշենք, որ Թուրքիայի իշխանությունները Էրդողանին վիրավորելու մեղադրանքով ցանկանում են քրդամետ Ժողովուրդների դեմոկրատական կուսակցության առաջնորդ Սելահաթթին Դեմիրթաշին զրկել պատգամավորական անձեռնմխելիությունից: Այս մասին առաջարկն այսօր ներկայացվել է արդարադատության նախարարություն: