Ահաբեկչական գործողությունները չեն սասանի Թուրքիան. Դավութօղլու

«Ահաբեկչական գործողությունները չեն սասանի Թուրքիան». նման հայտարարություն է արել Թուրքիայի վարչապետ Ահմեդ Դավութօղլուն՝ The Wall Street Journal-ի հետ զրույցում:

Ըստ Radikal-իր՝ Դավութօղլուն հայտարարել է, որ Թուրքիան պատրաստ է կոալիցիոն համագործակցությամբ ահաբեկչական վտանգի դեմ քայլեր ձեռնարկել:

Անդրադառնալով նաև նախորդ շաբաթ Կ.Պոլսի Սուլթանահմեդ հրապարակում ԴԱԵՇ-ի կողմից իրականացված ահաբեկչությանը՝ Դավութօղլուն ասել է, որ «իբրև թե «Իսլամական պետություն» կրող այդ կազմակերպությունը ի ցույց է դրել, որ կրոնի հետ ոչ մի կապ չունի: «Թուրքիան շարունակելու է պայքարել և համագործակցել  այս սպառնալիքի ոչնչացման համար»,-ասել է նա: