Խոզի գրիպից մահացած կինը երկու մանկահասակ երեխաների մայր էր

Yerkir.am-ին հայտնի է  դարձել, որ «Էրեբունի» բժշկական կենտրոնում  H1N1 վիրուսից մահացած կինը Թալին քաղաքի բնակչուհի Լիանա Մարտիրոսյանն է: Մենք տեղեկացանք, որ նա շտապօգնության մեքենայով է տեղափոխվել  Թալինի բժշկական կենտրոն: Այնտեղից հայտնեցին, որ 1981 թվականին ծնված կինն իրենց հիվանդանոցում է գտնվել առնվազն 4-5 օր, այնուհետև վիճակը կտրուկ վատացել է և ստիպված են եղել տեղեփոխել Երևան:

«Դիագնոզը մենք չենք հաստատել, դա «Էրեբունի» հիվանդանոցում  են ասել, որ նա այդ հիվանդությունից է մահացել: Տեղամասային թերապևտը օգնություն ցույց տվել է, հետո տեղափոխվել է մեզ մոտ, մենք էլ ժամանակին օգնություն  ենք ցուցաբերել: Ես չգիտեմ` ինչի տենց եղավ, երևի դա էլ նրա օրգանիզմի յուրահատկությունն է»,- ասացին Թալինի բժշկական կենտրոնից:

Տեղեկացանք նաև, որ Լիանա Մարտիրոսյանն ամուսնացած էր և ուներ երկու մանկահասակ երեխաներ: