ՌԴ-ում Թուրքիայի դեսպանատան կայքը տեղադրել է իր երկրի` ԻՊ-ից նավթ գնելու վերաբերյալ տվյալներ

Ռուսաստանում Անկարայի դեսպանատան Twitter-յան էջում տեղադրվել են թուրքական Akit թերթի լրագրող Աբդուրահման Դիլիփաքի կողմից արված՝ «Ո՞վ է ԻՊ-ից նավթ գնում» հարցման տվյալները:

T24-ը տեղեկացնում է, որ հարցման արդյունքները, սակայն, զարմացրել են թուրքական կողմին: Ըստ Twitter-ի օգտատերերի քվեարկության՝ ԻՊ-ից նավթ գնողները` տոկոսային արտահայտությամբ, հետևյալ երկրներն են`

Ռուսաստան՝ 12 տոկոս,

Սիրիա՝ 10 տոկոս,

Թուրքիա՝ 78 տոկոս:

Դեսպանատան Twitter-յան պաշտոնական կայքէջում տեղադրված այս հարցման մեկնաբանությունում գրվել է. «Տարօրինակ հարցում. ակնհայտ  են մեկ ժամվա քվեարկության արդյունքները…»:

Ի դեպ, հարցման հեղինակ Դիլիփաքը այս արդյունքի համար մեղադրել է Էրդողանի «Արդարություն և զարգացում» կուսակցությանը:

Հետաքրքրական է, որ դեսպանատան պաշտոնական կայքէջից այս հարցումը որոշ ժամանակ անց հեռացվել է: