Սեղանի թենիս. տեղի ունեցավ Համլետ Հակոբյանի անվան հուշամրցաշարը (լուսանկարներ)

Երեկ և այսօր «Հայաստան» մարզական հասարակական կազմակերպության դահլիճում («Սպարտակ») տեղի ունեցավ սեղանի թենիսի Հայաստանի վաստակավոր մարզիչ Համլետ Հակոբյանին նվիրված հուշամրցաշարը, որին մասնակցում էին մինչև 10 և մինչև 15 տարեկան շուրջ 70 մարզիկներ Երևանից, Գյումրիից և Վանաձորից:

Մինչև 10 տարեկան աղջիկների մրցապայքարում հաղթող ճանաչվեց գյումրեցի Հասմիկ Ղազարյանը, իսկ տղաների պայքարում հաղթողի կոչումը նվաճեց Ռուբեն Գալոյանը (ԽՄՕՄՄ):

Մինչև 15 տարեկան տղաների պայքարում հաղթող ճանաչվեց Մելքոն Հովհաննիսյանը: Աղջիկների մրցապայքարում առաջին հորիզոնականը զբաղեցրեց Էլեն Բախչաջյանը: Երկուսն էլ ներկյացնում են Երևանի Արաբկիրի մարզադպրոցը:  

Հաղթողներն ու մրցանակակիրները պարգևատրվեցին մեդալներով և գավաթներով: