Ցուկերբերգը բացատրել է՝ ինչու է նոր գործառույթ թողարկվել Փարիզում, այլ ոչ թե Բեյրութում ահաբեկչություններից հետո

Facebook-ի հիմնադիր ու գլխավոր տնօրեն Մարկ Ցուկերբերգը բացատրել է, թե ինչո՞ւ է հենց Փարիզի ահաբեկչություններից,  այլ ոչ Բեյրութի պայթյուններից հետո նոր գործառույթ թողարկել. տեղեկացնում է Time-ը:

Հարցի պատասխանը ֆեյսբուքյան էջում գրել է Ցուկերբերգը՝ պարզաբանելով, որ այդ ֆունկցիան մշակել են մինչև ահաբեկչությունները` տարերային աղետների ժամանակ կիրառելու համար, բայց «այսուհետ այն կօգտագործվի նաև մարդկային աղետների դեպքում»:

«Շնորհակալություն բոլոր նրանց, ովքեր այդ հարցերով դիմում են մեզ: Դուք իրավացի եք, որ կան շատ կարևոր կոնֆլիկտներ աշխարհում: Մենք բոլոր մարդկանց մասին միատեսակ ենք հոգ տանում, և աշխատելու ենք ավելի, որ օգնենք մարդկանց տարբեր իրավիճակներում, ինչքան դա հնարավոր է»,- ասել է նա: