Քյասիբցել եք բոլորդ, էս ի՞նչ բան ա, օրվա վերջ ընկերական հարցազրույց պտի տամ. Սամվել Ալեքսանյան

Այսօր մեկնարկել է ՀՀ կառավարության կողմից նախաձեռնված ԱԺ նիստը: Նիստին ներկա է նաև ԱԺ ՀՀԿ խմբակցության պատգամավոր Սամվել Ալեքսանյանը:

Նա նիստից առաջ լրագրողների հետ զրույցում հայտարարեց, որ ինքն «այո»-ի ակտիվ քարոզարշավով է զբաղվելու: Պատգամավորի խոսքով` Մալաթիայի բնակիչները բոլորն էլ «այո» են ասելու սահմանադրական բարեփոխումներին:

Հարցին, թե՝ ինչպե՞ս եք անցկացնելու քարոզարշավը, և ի՞նչ ասել է՝ ակտիվ, Ալեքսանյանը պատասխանեց. «Շատ լավ»:

Ուրիշ հարցերի պատգամավորը չցանկացավ պատասխանել` վկայակոչելով իր` վճարովի հիմունքներով հարցազրույց տալու որոշումը: «Քյասիբցել եք բոլորդ, էս ի՞նչ բան ա, սաղդ առանց փողի ուզում եք, որ հարցազրույց տամ»,- կատակեց նա:

Ի դեպ, Ալեքսանյանի կանխատեսումների համաձայն` մեր երկրում բոլորն էլ «այո» են ասելու սահմանադրական բարեփոխումներին, քանի որ այլ կերպ չի էլ կարող լինել: