Հիմա իմ կարիերայի լավագույն ժամանակներն են. Հենրիխ Մխիթարյան

Հայաստանիի ազգային հավաքականի և Դորտմունդի «Բորուսիա»-ի կիսապաշտպան Հենրիխ Մխիթարյանը հարցազրույց է տվել sport1 հեռուստաընկերությանը:

«Թոմաս Տուխելն ամբողջովին փոխել է մեր խաղաոճը: Մենք հիմա խաղում ենք հարձակվողական ֆուտբոլ և շատ գոլեր ենք խփում: Հիմա իմ կարիերայի լավագույն ժամանակներն են՝ շնորհիվ Թոմաս Տուխելի:  Նա ինձ վստահություն հաղորդեց և հասցրեց ավելի բարձր մակարդակի»,- ասել է ֆուտբոլիստը:

Խոսելով Բաքու չմեկնելու մասին՝ Մխիթարյանն ասել է. «Իմ կարծիքով՝ ճիշտ էր Բաքու չմեկնելը, թեև ոմանք պնդում են հակառակը: Չեմ ուզում խոսել այդ խաղի մասին, քանի որ դա արդեն անցյալում է: Ես արդեն մտածում եմ «Գաբալա»-ի հետ կայանալիք հաջորդ խաղի մասին»: