Հաջորդող շաբաթը Թբիլիսիում նվիրվելու է Հայոց ցեղասպանության 107֊րդ տարելիցի միջոցառումներին. «Վրաստանի Հայ Համայնք»

Ինչպես գիտեք, 2022 թվականի ապրիլի 24-ին լրանում է մարդկության դեմ պատմության ամենասարսափելի հանցագործություններից մեկի 107-րդ տարելիցը։ Բացի տարբեր միջոցառումներից, աշխարհի բազմաթիվ քաղաքակիրթ երկրների տարբեր մայրաքաղաքներում Թուրքիայի դեսպանությունների առջև անցկացվում են պիկետներ և ցույցեր՝ պահանջելով, որ Թուրքիան ճանաչի իր արյունալի պատմությունը, դատապարտվի իր նախնիների կատարած հանցագործությունների և պատասխանատվության ենթարկվի միջազգային իրավունքի համաձայն՝ նրանց կատարած հանցագործությունների համար։

Ինչպես գիտեք նաև Վրաստանի մայրաքաղաքում նմանատիպ միջոցառումներ անցկացվում են 2005 թվականից, և յուրաքանչյուր ապրիլի 24-ին տեղի է ունենում հանրահավաք Թուրքիայի դեսպանության դիմաց՝ արդարության վերականգնման պահանջով (բացառությամբ 2016թ. պետության խնդրանքով և 2020թ. , երկրում գործող պարետային կանոնակարգի համաձայն)։

Մենք հասկանում ենք, որ ապրիլի 24-ին Վրաստանի քաղաքացիների մեծ մասը նշում է Սուրբ Զատիկը։ Նշենք նաև, որ Վրաստանի Սահմանադրության երկրորդ գլխի XI հոդվածի համաձայն՝ մեր երկրում ապրող բոլոր քաղաքացիներն ունեն հավասար իրավունքներ։ Վրաստանի հայ համայնքը Թբիլիսիի քաղաքապետարանին նախապես տեղեկացրել է ապրիլի 23-ին և 24-ին անցկացվելիք ավանդական միջոցառումների մասին՝ միջոցառումները կազմակերպելու և 2021 թվականի նման ինքնաբուխ երթը կանխելու նպատակով։ Ըստ այդմ՝ ապրիլի 24-ին Վրաստանի հայ համայնքի անդամները ծրագրված երթ կկազմակերպեն։ Կոչ ենք անում նաև համապատասխան պետական գերատեսչություններին կանգնել իրենց քաղաքացիների կողքին և ձեռնարկել անհրաժեշտ միջոցներ ցույցի մասնակիցների անվտանգությունն ապահովելու համար։

Ինչ վերաբերում է տարիներ շարունակ ավանդույթ դարձած ջահերով երթին, ապա այս տարի երթի երթուղին կփոխվի և վերջնական կետը կլինի Հայոց ցեղասպանությանը նվիրված Թբիլիսիում գտնվող հուշարձան-խաչքարը։ Կազմակերպությունը միջոցառման մասին մանրամասն տեղեկատվություն կտրամադրի քաղաքապետարանին նախապես ոչ ուշ, քան 5 օր։

Նշենք նաև, որ այս տարվա մարտի կեսերին մեկնարկած «Հայոց մեծ եղեռն և մշակութային ցեղասպանություն» թեմաներով ցուցահանդեսները լիովին հասել են իրենց նպատակին։ Ցուցահանդեսները կանցկացվեն ապրիլի 17-ին Ավլաբարիի հարակից տարածքում , ժամը 12:00 ից մինչև 15:00 իսկ ապրիլի 20-ին Մետրոմշենիում նախատսեված ցուցահանդեսը կկայանա ապրիլի 19-ին ժամը 16:00-ից մինչև 19:00 Մետրոմշենիի հրապարակում, չեղյալ ենք հայտարարում ցուցահանդեսները մյուս հասցեներում։

Մենք առաջնորդվում ենք Վրաստանի Սահմանադրության 2-րդ հոդվածի II գլխի 1-ին, 2-րդ և 3-րդ կետերով, ինչպես նաև «Հավաքների և դրսևորումների մասին» Վրաստանի օրենքի l, lll, V, VIII, Xl և XIII հոդվածներով: Մենք համոզված ենք, որ ազատ խոսքի, մտքի և հավաքների ազատ իրավունքը ժողովրդավարության կարևորագույն նախապայմաններից է։

Հարգանքներով՝ «Վրաստանի Հայ Համայնք»

16.04.2022