Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Ազատ ու անկախ Հայաստանի գլխավոր ձեռքբերումը, բնականաբար, մեր բանակն է, մեր մարտունակ բանակը, որն այսօր էլ ամեն գնով պահպանում է մեր անվտանգությունը. այսօր լրագրողների հետ զրույցում ասաց պատմաբան Էդիկ Մինասյանը:
Ըստ նրա` մեր անկախության ձեռքբերումներից մեկն էլ մեր պետականությունն է և դրա պահպանումը: «Անկախության պտուղները շատ են` օրենսդիր, գործադիր և դատական մարմինների կայացումը, խոսքի ազատության մասնակի իրականացումը, բազմակուսակցական համակարգի առկայությունը: Կարևոր ձեռքբերում էր մեզ համար մեր անկախ ու ազատ Արցախը»,- ասաց պատմաբանը:
Նա նշեց նաև, որ այս ընթացքում ունեցել ենք նաև թերացումներ, որոնցից ամենամեծը տնտեսական ոլորտում էր, երբ, օրինակ, սեփականաշնորհման ոլորտում փորձեցինք հողերի բաշխում անել, բայց` ոչ հավասար:
Ըստ Մինասյանի` ցավոք, մեր ձեռքբերումները երբեմն անտեսվում են, և միայն բացասական կողմի մասին է խոսվում: «Ճիշտ է, պետք է խոսել նաև մեր բացասական կողմերի մասին, որպեսզի առաջ գնանք, բայց հանրությանը պետք է ներկայացնել նաև մեր ձեռքբերումները»,- ասաց նա: