Բջջային հեռախոսների գողերը շատ հմուտ են գործում. «Հայոց աշխարհ»

«Վերջերս ոստիկանությունը հատուկ հաղորդագրությամբ զգուշացրեց բնակչությանը տրանսպորտի մեջ կատարվող գողությունների ծավալի մեծացման մասին և հորդորեց զգոն լինել ու չդառնալ գրպանահատների զոհ: 

Հասարակական տրանսպորտում սովորաբար գողերի թիրախ են դառնում կանանց պայուսակները և տղամարդկանց գրպանները: Եթե գրպանահատին չի հաջողվում դրամապանակ փախցնել, ապա նրանք մխիթարվում են բջջային հեռախոս գողանալով:

 Ի դեպ, ինչպես վստահեցնում են ոստիկանության Մալաթիա-Սեբաստիա բաժանմունքում, գողերի համար դա իսկական արվեստի է վերածվել: Այսինքն՝ գրպանահատներն ամենայն մանրամասնությամբ գիտեն, թե գողանալուց հետո ինչ մեթոդներ կիրառեն, որպեսզի իրենց հնարավոր չլինի հայտնաբերել, ինչպես և որտեղ իրացնեն գողոնը:

Բջջային օպերատորներն ու ոստիկանությունը վստահեցնում են, որ Հայաստանում բջջային հեռախոսների գողության և դրանց հայտնաբերման մասին վիճակագրություն գոյություն չունի, սակայն հարևան-բարեկամների, ծանոթ-ընկերների գողացված ու գտնված հեռախոսների քանակով կարելի է որոշակի եզրահանգումներ անել, թե որքան զգոն և օպերատիվ են աշխատում ոստիկանները, և որքան հմուտ են գործում հեռախոսների գողության մեջ մասնագիտացած հանցագործները»,-գրում է թերթը:

Մանրամասները՝ թերթի այսօրվա համարում: