12-ամյա երեխային ծեծի ենթարկած տղամարդը ոստիկանություն է տարվել

Ոստիկանության Շենգավիթի բաժնի հետաքննչական բաժանմունքի ավագ հետաքննիչ Գայ Պետրոսյանի կողմից նյութեր են նախապատրաստվում օգոստոսի 30-ին Շենգավիթի վարչական տարածքում 12-ամյա Մարտին Բալյանին դաժան ծեծի ենթարկելու փաստով: Այս մասին գրում է shamshyan.com-ը:

Ինչպես հայտնում է ֆոտոլրագրող Գագիկ Շամշյանը, այսօր՝ սեպտեմբերի 2-ին, ոստիկանության Շենգավիթի բաժին է տեղափոխվել երեխային ծեծի ենթարկած 36-ամյա Մխիթար Սարգսյանը: Ֆոտոլրագրողի տեղեկություններով՝ հետաքննչական բաժնում սպասում են դատաբժշկի եզրակացությանը, ինչից հետո նյութերը կփոխանցվեն Հայաստանի քննչական կոմիտեի Երևանի քննչական վարչության Շենգավիթի քննչական բաժին, եթե երեխայի ծնողները բողոք ներկայացնեն ստահակի դեմ: Ոստիկանությունում Մ. Բալյանին ծեծի ենթարկած սապատավորը գլխիկոր մեղանչում էր և ոստիկաններին խնդրում էր, որպեսզի մեղմ մոտենան: 

Լրատվամիջոցն ավելի վաղ հայտնել էր, որ Երևանի Արարատյան փողոցի 90 շենքի բակում օգոստոսի 30-ին, ժամը 16:20-ի սահմաններում, 12-ամյա Մարտին Բալյանին դաժան ծեծի էր ենթարկել հարևանությամբ բնակվող Արարատյան 41 տան բնակիչ, 36-ամյա Մխիթար Սարգսյանը, ինչի հետևանքով երեխան ստացել է մարմնական վնասվածքներ: 

Մանրամասները՝ սկզբնաղբյուր կայքում