Խադիջա Իսմայլովան խնդրել է հետաձգել իր դատը

Բաքվի ծանր հանցագործությունների դատարանում այսօր կայացել է հայտնի ընդդիմադիր լրագրող Խադիջա Իսմայլովայի գործով հերթական դատական նիստը. հայտնում է haqqin. az-ը:

Նշվում է, որ Խադիջայի փաստաբանները պահանջել են դատավորից` արդարացնել իրենց պաշտպանյալին: Ինքը` Իսմայլովան, խնդրել է իրեն ժամանակ տրամադրել` իր պաշտպանությունը նախապատրաստելու համար: Խնդրանքի հետ կապված՝ հաջորդ դատական նիստը կկայանա օգոստոսի 31-ին:

Հիշեցնենք, որ ընդդիմադիր լրագրող Իսմայլովային մեղադրում են մի շարք հոդվածներով՝ ինքնասպանության հասցնելու,  խոշոր չափերի դրամական յուրացման, անօրինական գործարարության, հարկերից խուսափելու: