Հղի կինն ուշքի է եկել հուղարկավորությունից մեկ օր անց (ՏԵՍԱՆՅՈՒԹ)

Հոնդուրասում 16-ամյա Նեյսի Պերեզն ուշքի է եկել հուղարկավորվելուց մեկ օր անց։ Սակայն մահացել է` մինչ նրան դուրս էին բերում դագաղից. հայտնում է Лента.ру-ն՝ վկայակոչելով The Telegraph-ը: 

Երեք ամսական հղիություն ունեցող  Պերեզը կորցնում է գիտակցությունը, երբ կրակոցներ է լսում իր տան մոտակայքում։ Ծնողները նրան հայտնաբերում են անգիտակից վիճակում ՝ փրփուրը բերանին,  և քահանա են կանչում՝ կարծելով, որ աղջկա մեջ չար ոգիներ կան։ Այնուհետև  աղջիկը դադարում է կենդանության նշաններ ցույց տալ, նրան տեղափոխում են հիվանդանոց, որտեղ էլ բժիշկներն արձանագրեւմ են նրա մահը։ Նրան հուղարկավորում են, սակայն, հաջորդ օրը ամուսինը գերեզման այցելելիս բղավոցներ և թակոցներ է լսում:  Պերեզին դուրս են հանում գերեզմանից, սակայն նա արդեն մահացած է լինում: