Թուրքիան էներգետիկ ըմպելիք է մատակարարում ԻՇԻՊ-ի գրոհայիններին

Գերմանական NTV հեռուստաալիքը, վկայակոչելով Blooberg-ին, հայտնել է, որ Թուրքիան էներգետիկ ըմպելիք է մատակարարում Սիրիայում ԻՇԻՊ-ի գրոհայիններին. տեղեկացնում է Siyasihaber-ը:

Ըստ կայքի՝ գերմանական հեռուստաալիքը պնդել է, որ ԻՇԻՊ-ի գրոհայինները դժվարանում են գիշերներն արթուն մնալ, այդ իսկ պատճառով մեծ քանակությամբ էներգետիկ ըմպելիք են օգտագործում:

Bloomberg-ին մի թուրք գործարար հայտնել է, որ Թուրքիայից օրական 4-5 բեռնատար էներգետիկ ըմպելիք է մտնում Սիրիա:

Հայտնում են, որ վերջին շրջանում Թուրքիայից Սիրիա ապրանքների արտահանման աճ է գրանցվել: Միայն սեպտեմբերին Թուրքիան Սիրիայից ստացած 1.3 միլիարդ դոլար եկամուտով նոր ռեկորդ է սահմանել: