Հույս ենք դնում հայկական ղեկավարության իմաստության վրա. ՌԴ ԱԳՆ

Ռուսաստանը ակնկալում է Հայաստանի իշխանությունների և ցուցարարների միջև փոխզիջում: Այդ մասին հայտարարել է ՌԴ ԱԳՆ ղեկավարի տեղակալ Գրիգորի Կարասինը՝ մեկնաբանելով Երևանում էլեկտրաէներգիայի սակագնի բարձրացման դեմ ուղղված բողոքի ցույցերը. հայտնում է ТАСС-ը:

«Մենք ուշադիր հետևում ենք այն ամենին, ինչ այս օրերին կատարվում է Հայաստանում: Հույս ունենք, որ իրավիճակը դուրս չի գա իրավական դաշտից: Հույս ենք դնում հայկական ղեկավարության ողջամտության և իմաստության վրա: Մեր տեղեկություններով` կարելի է ակնկալել, որ ինչ-որ փոխզիջումային որոշում ցուցարարների կողմից բարձրացված հարցերի շուրջ կարելի է գտնել: Սպասում ենք լուրեր Երևանից»,- ասել է նա:

Հարցին՝  կարելի՞ է խոսել դրսից եկող սադրանքի մասին, Կարասինը պատասխանել է, որ նման բանը պետք է ապացուցել: