Ադրբեջանում բողոքի ցույցեր են սկսվել ԵՄ-ի դեմ

Ադրբեջանցի երիտասարդների մի խումբ և ոչ իշխանական կազմակերպությունների ներկայացուցիչներ բողոքի ակցիա են անցկացրել Բաքվում ԵՄ-ի գրասենյակի առջեւ. հայտում է ադրբեջանական Trend-ը:

Տեղեկության համաձայն՝ ակցիայի մասնակիցներն իրենց վրդովմունքն են հայտնել ԵՄ-ին Ադրբեջանի նկատմամբ անարդար վերաբերմունքի համար: Նրանք վանկարկել են՝ «Ձեռքերդ հեռու Ադրբեջանից», «Մի քաղաքականացրեք սպորտը» և այլն:

Հիշեցնենք, որ Եվրախորհրդարանը կոչ է արել Ադրբեջանին` ազատել քաղբանտարկյալներին մինչև Եվրոպական խաղերի մեկնարկը: ԵՄ անդամ Գերմանիայի կանցլեր Անգելա Մերկելն անգամ այդ պատճառով հրաժարվել է մեկնել Բաքու` ներկա լինելու Եվրոպական խաղերի բացմանը: