Թուրք երիտասարդն այրել է եկեղեցու դուռը

Թուրքիայի Քադըքոյ շրջանում գտնվող հունական Ayia Triada ուղղափառ եկեղեցու պատից ներս ցատկելով՝ երիտասարդն այրել է եկեղեցու դուռը: Այդ մասին տեղեկանում ենք Թուրքիայի հայերի մասին տեղեկություններ հրապարակող ֆեյսբուքյան էջից:

Տեսնելով բոցավառվող դուռը՝ անցորդները այդ մասին տեղեկացրել են եկեղեցու աշխատակիցներին և ոստիկաններին: Մինչև ոստիկանների ժամանումը՝ հարակից շենքերի բնակիչների օգնությամբ կրակը մարվել է:

Երիտասարդը ձերբակալվել է: Հետագայում հայտնի է դարձել, որ նա Էրենեոյի հոգեբուժական կենտրոնում բուժում է ստանում:

Եկեղեցու հետ կապ ունեցող հիմնադրամի պատասխանատուներից Կոնստանտին Քիրաքոփոլոսը լրգարողների հետ զրույցում հայտնել է երիտասարդի պատճառաբանությունը, թե եկեղեցու դուռն այրել է երազում Հիսուսին տեսնելու պատճառով:

Քիրաքոփոլոսն ասել է, որ եկեղեցու դուռն այլևս պիտանի չէ և իրենք կատարվածի մասին բողոքի հայտ են ներկայացրել ոստիկանություն:

Տեսանյութում երևում է, թե ինչպես է անցորդների բղավոցներն անտեսող երիտասարդն այրում եկեղեցու դուռը՝ կրկնելով. «Ալլահ ու աքբար»: