«Որոտան»-ի գործարքը հասել է վերջնական փուլի

Այսօր` կառավարության հետ հարցուպատասխանի ժամանակ, ԱԺ ՀԱԿ խմբակցության պատգամավոր Արամ Մանուկյանը կառավարությանը հարցրեց «Որոտանի» գործարքից: Նա նշեց, որ ունի փաստաթուղթ այն մասին, որ այդ գործարքն ամերիկյան կողմի հետ սխալ էր:

«Ո՞ւր է հասել «Որոտան»-ի վաճառքի գործընթացը: ԱՄՆ-ում Սերժ Սարգսյանը հայտարարել էր օրերս, որ այդ գործարքը կայանալու է»,- հարցրեց Արամ Մանուկյանը:

Էներգետիկայի ու բնական պաշարների նախարար Երվանդ Զախարյանը պատասխանեց, որ «Որոտան»-ի հարցը հասել է վերջնական փուլին, կառավարության և երրորդ կողմի երկար քննարկումներից հետո հանվել են խոչընդոտող պահերը, և որ այդ պայմանագիրը մոտ ժամանակներս կստորագրվի: