Պայմանական վաղաժամկետի ինստիտուտը Հայաստանում այնքան էլ արդյունավետ չի գործում. նախարար

Այո’, Հայաստանում կիրառվում է այդ ինստիտուտը, բայց ոչ այն արդյունավետությամբ, որով պետք է լիներ: Այս մասին այսօր կառավարությունում լրագրողների հետ հանդիպման ժամանակ ասաց ՀՀ արդարադատության նախարար Հովհաննես Մանուկյանը՝ պատասխանելով այն հարցին, թե ինչո՞ւ Հայտաստանում չի գործում պայմանական վաղաժամկետ ազատ արձակման ինստիտուտը: Նախարարը նշեց, որ իրենք մշակել են փոփոխությունների նախագիծ, որը գտնվում է շրջանառության մեջ:

«Մենք պետք է փորձենք օրենսդրական այնպիսի լուծուներ գտնել, որպեսզի արդյունավետորեն ռեանիմացնենք այդ ինստիտուտը և այն իր նպատակներին ծառայեցնենք»,- ասաց նա:

Համեմատելով համաներման ու պայմանական վաղաժամկետի ինստիտուտները` նախարարը նշեց, որ, որպես իրավաբան,  ավելի կարևոր է գնահատում պայմանական վաղաժամկետ ինստիտուտի ակտիվ և արդյունավետ գործարկումը երկրում, քանի որ, ի տարբերություն համաներման, պայմանական վաղաժամկետի պարագայում գործ ունենք անհատական մոտեցման հետ: «Սա ավելի արդյունավետ և արդար լուծում է: Մոտ ժամանակներս նախաձեռնություն ենք ներկայացնելու այս ինստիտուտը վերափոխելու ուղղությամբ»,- ասաց նա: