Օսկանյանը վայր է դնում մանդատը

ԱԺ ԲՀԿ խմբակցության պատգամավոր Վարդան Օսկանյանը պատգամավորական մանդատը վայր դնելու մասին դիմում է ներկայացնել: Այս մասին լրագրողների հետ զրույցում տեղեկացրեց ԱԺ ԲՀԿ խմբակցության պատգամավոր Միքայել Մելքումյանը՝ անդրադառնալով մամուլում տարածված տեղեկություններին, թե Վարդան Օսկանյանը ցանկանում է լքել ԲՀԿ-ն:

«Որքան տեղյակ եմ, Վարդան Օսկանյանը կուսակցությունը լքելու ցանկություն չի հայտնել: Նա ընդամենը ցանկանում է պատգամավորական մանդատը վայր դնել, սակայն կուսակցությունը լքելու մասին նա դեռ չի հայտարարել»,- ասաց Միքայել Մելքումյանը:

Պատգամավորը կարծիք հայտնեց, որ Վարդան Օսկանյանն այդ քայլով ցանկանում է որոշակիորեն վերաիմաստավորել իր հետագա գործունեության բնույթը: «Նա, հավանաբար, ինչ-որ որոշումներ ունի` ապագայի հետ կապված, որովհետև հենց այնպես նման որոշումներ չեն կայացնում: Նա կուսակցությունից դուրս գալու մասին չի ասել, նշանակում է, որ նա իր գործունեությունը շարունակելու է կուսակցությունում և իրականացնելու է իր խնդիրները»,- հայտարարեց Մելքումյանը՝ վստահեցնելով, որ ինքը շարունակելու է իր գործունեությունը «Բարգավաճ Հայաստան» կուսակցությունում: