Շիրակի մարզպետն Ավետիսյանների գործի ընթացքից անտեղյա՞կ է

Այսօր Ավետիսյանների ընտանիքի քառասունքն է: Շիրակի մարզպետ Ֆելիքս Ցոլակյանը նույնպես այցելել էր Ավետիսյանների շիրիմներին:

Լրագրողների հետ զրույցում, անդրադառնալով հարցին, թե չի՞ պահանջում, որպեսզի գործը մի քիչ ավելի արագ ընթացք ստանա, Ցոլակյանը պատասխանեց, որ ինքը պահանջելու իրավունք չունի:

Իսկ հարցին, թե օրակարգո՞ւմ է, արդյոք, Պերմյակովին հանձնելու հարցը, մարզպետը կրկին խուսափողական պատասխան տվեց. «Ինչքան դուք եք տեղյակ դրանից, այնքան` ես»:

Հարցին, թե ինչո՞ւ է այդպես ասում, մի՞թե նրան չի հետաքրքրում գործի ընթացքը, մարզպետը պատասխանեց, որ հարցը տեղին չէ, քանի որ հետաքրքրվում է. «Ձեզնից երևի մի քիչ ավելի շատ եմ հետաքրքրվում: Նորից եմ ասում` այդ մասին ես գիտեմ այնքան, ինչքան դուք»: