Պաշտոնյաների տներ թալանելու համար դատապարտվածները դիմել են վերաքննիչ դատարան

Մի շարք պաշտոնյաների և մեծահարուստների տներ թալանած հայտնի  «բանդայի գործով» 4 դատապարտյալների պաշտպանները դիմել են ՀՀ վերաքննիչ քրեական դատարան:

Yerkir.am-ի հետ զրույցում դատապարտվածներից Սամվել Դավթյանի պաշտպան Կարեն Հակոբյանը հայտնեց, որ դատավճիռն ամբողջությամբ ստացել են հունվարի 15-ին, ինչից հետո և կազմել են վերաքննիչ բողոքը:

Նշենք, որ գործով 4 դատապարտվածների պաշտպաններն էլ պահանջել են բեկանել առաջին ատյանի դատարանի կայացրած վճիռն ու արդարացման դատավճիռներ կայացնել:

Հիշեցնենք, որ դատավոր Մակյանի վճռով` ամբաստանյալ Արտուշ Հակոբյանն (Գառնու «Սուրիկի լավաշ»-ի սեփականատիրոջ որդին) արդարացվել էր ՀՀ ՔՕ 268-րդ հոդվածի 2-րդ մասի 2-րդ կետով (թմրանյութերի ապօրինի շրջանառություն), իսկ մյուս հոդվածներով մեղավոր ճանաչել ու դատապարտել ազատազրկման` 15 տարի ժամկետով: Գործով ամբաստանյալ Դավիթ Գալստյանն ու Սամվել Դավթյանը նույնպես դատապարտվել էին 15 տարվա ազատազրկման, իսկ Արթուր Մանուկյանը՝ 11 տարվա ազատազրկման: