Վաղն էլ Ադրբեջանը կասի, թե հայկական ատոմային սուզանավ է օդում խոցել

Ադրբեջանական haqqin.az-ը գրում է, թե մոտ 40 րոպե առաջ շփման գծում՝ Աղդամի ուղղությամբ, ադրբեջանական կողմը Հայաստանի ՌՕՈՒ անօդաչու սարք է խոցել: Այդ մասին իբր ասվում է Ադրբեջանի ՊՆ-ի շտապ հաղորդագրության մեջ:

Հայկական կողմը դեռեւս պաշտոնապես չի մեկնաբանել տեղեկությունը, սակայն, մեր ստույգ տեղեկությունների համաձայն, տեղեկությունը չի համապատասխանում իրականությանը` անօդաչու սարք չի խոցվել:

Նշենք, որ այս կապակցությամբ ՊՆ մամուլի քարտուղար Արծրուն Հովհաննիսյանն իր ֆեյսբուքյան էջում գրել է. «Հասկանալի է, որ նման պարտություններից հետո ադրբեջանական քարոզչության համար ցանկալի է հնարավորինս մեծ ձեռքբերումներ ներկայացնել, սակայն սուտն էլ պիտի սահման ունենա, խելքին մոտիկ լինի: Ես չեմ զարմանա, որ վաղը իրենք հայկական ատոմային սուզանավ օդում խոցեն կամ, ասենք, միջմայրցամաքային բալիստիկ հրթիռ կենդանի բռնեն»: