Ֆրանսիան շոկի մեջ է. Ֆրանսուա Օլանդ

Քիչ առաջ Charlie Hebdo խմբագրություն է ժամանել Ֆրանսիայի նախագահ Ֆրանսուա Օլանդը: Նա հանդես է եկել հատուկ հայտարարությամբ.

«Սպանվել են լրագրողներ և ոստիկաններ: 11 մարդ սպանված է, չորսը գտնվում են մահվան և կյանքի եզրագծում: Խմբագրության  40 աշխատակիցների կյանքին  այժմ վտանգ չի սպառնում: Ժամը 2-ին  ես հավաքելու եմ ուժայիններին: Մենք  արդեն սկսել ենք «Ձերբակալում» գործողությունը: Մենք կգտնենք բոլոր հանցագործներին, մինչև վերջինը, և նրանք պետք է կանգնեն դատարանի առաջ: Ողջ Ֆրանսիան շոկի մեջ է: Ոչ մի կասկած չկա, որ սա ահաբեկչական ակտ է: Մեր երկիրը պարտավոր է ցույց տալ, որ մենք միակամ ենք»,- ասել է  Ֆրանսիայի նախագահ Օլանդը:  

Հիշեցնենք, որ այսօր Փարիզում հրատարակվող  Charlie Hebdo երգիծական հանդեսի խմբագրության վրա կատարվել է ահաբեկչական հարձակում, որի արդյունքում կան տասնյակից ավելի զոհեր և վիրավորներ: