Ինչու է ինքնասպանություն քարոզող բանաստեղծությամբ գիրքը հայտնվել դպրոցում

Օրերս  համացանցում տարածվել է անգլերենի դասագրքից վերցված մի բանաստեղծություն, որի հերոսն ինքնասպանություն է  քարոզում: Լրագրողների հետ հանդիպման ժամանակ «Անտարես» հրատարակչության տնօրեն Արմեն Մարտիրոսյանը նշեց, որ  գիրքն իրենք են հրատարակել 4-5 տարի առաջ: Նա նշեց նաև, որ այժմ այլևս չեն աշխատում այդ գրքի հեղինակի հետ:

 «Պետք է որ այդ գիրքը սպառված և շրջանառությունից դուրս եկած լիներ: Լավ օրից չէ, որ այն դեռ շրջանառության մեջ է, և խոսել մեկի մասին, ում հետ մենք այլևս չենք աշխատում, նպատակահարմար չէ»,- ասաց Մարտիրոսյանը:

Գրականագետ Արքմենիկ Նիկողոսյանն էլ  հավելեց, որ  դպրոցական դասագրքերը դպրոց մտնելուց առաջ ԿԳՆ-ն պետք է  հաստատի, և եթե նման բովանդակության  բանաստեղծությամբ դասագիրք է  մտել դպրոց, ուրեմն  տվյալ գրքերն այլ սկզբունքով են ընտրվել:

«Ինչպե՞ս է  ստացվում, որ ԿԳՆ-ն նախապես  նայում է  գրքի բովանդակությունը, թողնում դրա դպրոց մտնելը, որից հետո միայն սկսում թերությունները նկատել: Իմ կարծիքով՝ դրանք խնդիրներ են, որոնք կարելի է  ուղղակի ժամանակին կանխել»,- ընդգծեց նա: