Արթուր Բաղդասարյանի ելույթի ժամանակ ամբիոնին «ԱԽՔ» գրառմամբ թուղթ փակցրեցին

ՕԵԿ-ի` այսօր հրավիրած հանրահավաքն առանց միջադեպի չանցավ: Մի երիտասարդ ակտիվիստ, ով սոցիալական ցանցերում առավել հայտնի է Նավակ Ճոճողը կեղծանվամբ, ՕԵԿ նախագահ Արթուր Բաղդասարյանի ելույթի ժամանակ` հենց այն պահին, երբ նա հպարտորեն հայտարարում էր, թե ՕԵԿ-ին շատ են մեղադրել կեղծ ընդդիմություն լինելու մեջ եւ այլն, բայց այդպես չէ, մոտեցավ ամբիոնին ու այնտեղ փակցրեց «ԱԽՔ» գրառումով թուղթ:

Այս յուրօրինակ ակցիայի հեղինակը նույն այն երիտասարդն է, ով նույնպիսի «ակցիա էր» իրականացրել նաեւ արդարադատության նախկին նախարար Հրայր Թովմասյանի հանդեպ:

Ոստիկանությունը, երիտասարդի թեւերից քաշելով, նրան «հրավիրեց» բաժին` իր արարքի վերաբերյալ պարզաբանումներ տալու…