20 մարդ է զոհվել Մոսկվայի մետրոյում վթարի հետեւանքով

ՌԴ արտակարգ իրավիճակների ծառայության Մոսկվայի պետական վարչության ղեկավար Ալեքսանդր Գավրիլովը հրապարակել է Մոսկվայի մետրոյում այսօր տեղի ունեցած վթարի զոհերի մասին վերջին տվյալները. հայտնում է РИА Новости-ն: Այս պահի դրությամբ` հայտնի է 20 զոհի մասին` 7-ի մարմիններն արդեն գտնվում են հետաքննչական մարմինների ստորաբաժանումներում, 6-ական դիակ դեռեւս մնում է 2 վագոնում, մեկ կին էլ մահացել է հիվանդանոցում: Ավելի վաղ տեղեկացվում էր, որ մահացել է նաեւ մեքենավարը, սակայն այդ տեղեկությունը հերքվել է: Նախնական տվյալներով` մոտ 160 մարդ վիրավոր է, այդ տվյալները ճշտվում են:

Հիշեցնենք, որ այսօր «Սլավյանսկի բազար» եւ «Պարկ Պոբեդի» կայարանների միջեւ ընկած հատվածում լարման տատանման հետեւանքով գործել է ազդանշանային համակարգը, ինչի հետեւանքով գնացքը կտրուկ կանգ է առել եւ 3 վագոն դուրս է եկել ռելսերից: