Հիմա էլ ԱԺ-ի թիրախը լրագրողների հագուստն է

Սկսելու ենք լրագրողներից. այսպես արձագանքեց ԱԺ աշխատակազմի ղեկավար, արդարադատության նախկին  նախարար Հրայր Թովմասյանը yerkir.am-ի հարցին, թե իսկապե՞ս  ԱԺ-ն մտադիր է դրես-կոդ սահմանել: Մեր մյուս հարցին` իսկ ի՞նչ է սահմանվելու ԱԺ ներքին կանոնագրքով` վարքագծի կանոնների հետ կապված, Հրայր Թովմասյանը պատասխանեց. «Չեմ սիրում խոսել մի բանի մասին, ինչը դեռ ավարտուն չէ: Կավարտենք աշխատանքները, կիմանաք»:

Նշենք, որ Հրայր Թովմասյանի այս նախաձեռնությունը` ԱԺ աշխատակազմի և, մանավանդ, լրագրողների համար դրես-կոդ և վարքագծի կանոններ սահմանելու հետ կապված, դժգոհություն է առաջացրել բազմաթիվ լրագրողների շրջանում, ովքեր այդ նախաձեռնությունը համարում են անկարևոր ու անտեղի: