Իսկ ինչո՞ւ պետք է Սերժ Սարգսյանը պատասխաներ Նազարբաեւին. Հրանուշ Հակբոյանը զարմացած է

Այսօր լրագրողների հետ զրույցում, պատասխանելով հարցին` հնարավո՞ր է, որ Արցախի ու Հայաստանի միջև մաքսակետ դրվի, ՀՀ Սփյուռքի նախարար Հրանուշ Հակոբյանը նշեց, որ Ղարաբաղը Սփյուռք չէ, այլ մեր հայրենիքն է, և ակնհայտ է, որ Ալիևն այլ կերպ չէր էլ կարող վարվել, ահա` ինչու նամակների միջոցով փորձում է խոչընդոտներ ստեղծել: Նախարարը զարմանում է` ինչո՞ւ են ընդհանրապես Ալիևի ասածները փորձում մեջբերել։

Հարցին, թե ինչո՞ւ հենց Աստանայում նույն հարցը չտվեց նախագահ Սերժ Սարգսյանը Ալիևի նամակն ընթերցող Նազարբաևին, Սփյուռքի նախարարը պատասխանեց. «Բայց ինչո՞ւ պետք է պատասխաներ, ասեր` ինչո՞ւ եք Ալիևին ցիտում,: Ես եմ Ձեզ ասում՝ մի' ցիտեք։ Սերժ Սարգսյանը պետության ղեկավար է և գործ ունի պետության ղեկավարների հետ»:

Հարցին, թե ինչո՞ւ նման նամակ էլ Վրաստանի կամ Ուկրաինայի նախագահը չեն գրում Ղազախստանի նախագահին և ասում, որ Ռուսաստանը չի կարող Ղրիմով մտնել Եվրասիական տնտեսական միություն, նախարարն արձագանքեց. «Նրան այդ հարցն ուղղեք, ինչո՞ւ եք այդ հարցը տալիս ինձ, ես Վրաստանի նախագահի խորհրդականը չեմ, որ կարողանամ այդ հարցին պատասխանել»: