Ստեփանծմինդա-Լարսը փակ է, Հայաստանին գազամատակարարումը դադարեցվել է (լրացված)

Մայիսի 17-ին Վրաստանի ՆԳՆ դեպարտամենտից տեղեկություն է ստացվել, որ Ներքին Լարս ավտոճանապարհի միջնամասում՝ Թերեք գետի ափին, տեղի է ունեցել փլուզում, որի չափերն են` 150մ երկարություն, 60-70մ լայնություն և 30-40մ բարձրություն:

Ստեփանծմինդա-Լարս ավտոճանապարհը փակ է: Նախնական տվյալներով` հողազանգվածի տակ ավտոմեքենաներ են մնացել:

Վթարի հետևանքով վնասվել է Ռուսաստանից Հայաստան մտնող գազատար խողովակը: Մայիսի 17-ի ժամը 10.30-ի դրությամբ` գազամատակարարումը դեպի Հայաստանի Հանրապետություն դադարեցվել է:

«Գազպրոմ Արմենիա» ՓԲԸ-ն հայտնում է, որ ՀՀ սպառողներին գազամատակարարումը կիրականացնի ողջ ծավալով՝ առանց սահմանափակումների: Այս մասին տեղեկացնում է ՀՀ արտակարգ իրավիճակների նախարարությունը: