Գեղարքունիքի մարզպետը տեղյակ չէ՞ ՌԴ միգրացիոն նոր որոշումից

ՀՀԿ Խորհրդի  նիստից առաջ Գեղարքունիքի մարզպետ Ռաֆիկ Գրիգորյանը, պատասխանելով Yerkir.am-ի այն հարցին` ինչպե՞ս է վերաբերվում իր հրաժարականի մասին լուրերին, պատասխանեց, որ ինքը շատ հանգիստ է և չի հավատում մամուլի հրապարակումներին, հումորով է դրանց վերաբերվում: Հարցին` կմնա՞ որպես մարզպետ, թե՞ հրաժարական կտա, պատասխանեց. «Ոնց կորոշի խորհուրդը»: Մեր հաջորդ հարցին, թե ո՞րն է իր մարզի համար առաջին խնդիրը պատասխանեց.«Շատ խնդիրներ կան, հերթով փորձում ենք լուծել»:Դիտարկմանը, թե գուցե արտագա՞ղթն է համար առաջին խնդիրը, մարզպետը պատասխանեց. «Էնքան ասեցիք` արտագաղթ, հիմա ՌԴ-ն խստացրել է միգրացիոն օրենքը ու թույլ չի տալիս, որ հայերն արտագաղթեն Ռուսաստան»:

Հավանաբար, Գեղարքունիքի մարզպետը դեռ տեղյակ չէ, որ ՌԴ նախագահը ստորագրել է նախկին ԱՊՀ երկրների` ռուսերենին տիրապետող քաղաքացիներին հեշտացված կարգով ՌԴ քաղաքացիություն տալու օրինագիծը: