Ֆիզիկապես գերազանցեցինք մրցակցին. Արամ Ոսկանյան

«Միկա»- «Շիրակ» խաղից հետո դաշտի տերերի գլխավոր մարզիչ Արամ Ոսկանյանը զրուցեց լրագրողների հետ:

«Այս խաղում ավելի շատ շեշտը դրել էինք հակագրոհների վրա, քանի որ 3 օր առաջ էինք հանդիպում անցկացրել, և հոգնածություն էր նկատվում ֆուտբոլիստների մոտ: Բազմաթիվ պահեր ունեցանք, որոնք չիրացրեցինք:   3 փոփոխություններն էլ ստիպված կատարեցինք: Մենք ֆիզիկապես չզիջեցինք մրցակցին, խաղավերջում նույնիսկ առավելություն ստացանք: Շնորհակալություն տղաներին կատարած աշխատանքի համար: Մինչև վերջին վայրկյանը հաղթելու մեծ ցանկություն ցուցաբերեցին»,- ասաց նա:  

Խոսելով թիմի սևամորթ ֆուտբոլիստների մասին` Ոսկանյանը նշեց. «Մեծ ծավալի աշխատանք են կատարում, սակայն չեն կարողանում օգտագործել իրենց պահերը: Դա լուրջ խնդիր է մեզ համար»: