Անդրանիկ Արզումանյանը 5 օր ուշացմա՞մբ է ներկայացրել իր դիմումը

Newsbook.am-ը գրել էր, որ Անդրանիկ Արզումանյանը Ա. Սպենդիարյանի անվան օպերայի և բալետի ազգային ակադեմիական թատրոնի լեգիտիմ տնօրեն չէ, քանի որ մրցույթին 5 օր ուշացումով է իր հայտը ներկայացրել:

Yerkir.am-ին ՀՀ մշակույթի նախարարությունից տեղեկացրին, որ Արզումանյանն իր հայտը ներկայացրել է մարտի 14-ին, իսկ փաստաթղթերի ընդունման վերջնաժամկետը, ինչպեսև կանխավ հրապարակվել էր, մարտի 15-ն էր:

«Բացի Արման Ծատուրյանից /ով մարտի 12-ին է ներկայացրել/ և Երվանդ Երկանյանից /դիմումը ներկայացրել է մարտի 11-ին/, մյուսները փաստաթղթերը նախարարությանն են հանձնել մարտի 14-ին»,- հայտնեցին նախարարության հասարակայնության հետ կապերի բաժնից: