Սոչիում մեկնարկել է ՄՕԿ-ի 126-րդ նստաշրջանը

Ձմեռային  Oլիմպիական 22-րդ խաղերի մայրաքաղաք Սոչիում  փետրվարի 4-ից մեկնարկել է   միջազգային օլիմպիական կոմիտեի  126-րդ նստաշրջանը. տեղեկացնում է armnoc.am-ը:

Բացման խոսքով հանդես է եկել  ՌԴ նախագահ Վլադիմիր Պուտինը: Նա շնորհակալություն է հայտնել ՄՕԿ-ին՝   վստահության  համար:

ՄՕԿ- ի նախագահ Թոմաս Բախը, իր հերթին,   շնորհակալություն է  հայտնել ՌԴ նախագահին, կառավարությանը , ԱՕԿ-ին՝ անթերի աշխատանքներ կատարելու, շինությունները ժամանակին շահագործման հանձնելու համար:

«Սոչիի և ընդհանրապես Կրասնոդարի երկրամասի բնակիչները  կարող են հպարտանալ իրենց քաղաքով  և   օլիմպիական  օրինակելի  կառույցներով» -ասել է նա:

Նստաշրջանն իր աշխատանքը կավարտի փերվարի 7-ին ` Օլիմպիական խաղերի բացման օրը :