Տարոնի պաշտպանների ով լինելը հայտնի է

Արդեն տեղեկացրել ենք, թե տնտեսագիտական համալսարանում ինչ խայտառակ իրավիճակ էր տիրում քաղաքապետ Տարոն Մարգարյանի թեզի պաշտպանության ընթացքում: Տարոն Մարգարյանն այսօր իր թեզը պաշտպանեց... լրագրողներից:

Մի խումբ երիտասարդներ արել են ամեն ինչ` հայհոյել, սադրել ու խոչընդոտել, որպեսզի լրագրողները չկարողանան լուսաբանել Տարոն Մարգարյանի թեզի խայտառակ պաշտպանությունը: Yerkir.am-ի հետ զրույցում ոստիկանության լրատվության բաժնի աշխատակից Արմեն Մալխասյանն արդեն ասել է, որ գործն ուսումնասիրվում է ոստիկանությունում:

Նշենք, որ այսօրվա գործողությունների ժամանակ առավել ակտիվ էին հատկապես երեք երիտասարդներ: Նրանցից մեկը` ԵՊՏՀ ուսխորհրդի նախագահ Սևակ Խաչատրյանն է, ՀՀԿ-ական է եւ ակտիվ գործունեություն է ծավալում երիտթեւում: Նաեւ Երիտասարդական խորհրդարանի անդամ է:

Մյուս երիտասարդը, ով, ըստ էության, համակարգում էր օպերացիան, Սերգո Խառատյանն է: Նա եւս ՀՀԿ-ական է, տնտեսագիտական համալսարանում հայտնի է իր ագրեսիվ պահվածքով: Ուսխորհրդի փոխնախագահն է: Նշենք, որ նա աչքի էր ընկնում նաեւ ուսման վարձերի դեմ կազմակերպված ակցիաների ժամանակ, երբ փակում էր ԵՊՏՀ-ի դարպասները եւ թույլ չէր տալիս, որ ուսանողները գնան ակցիաների:

Իսկ լրագրողներից մեկին հայհոյած երիտասարդը` Սարգիս Մուրադյանը, եւս վերոհիշյալ կարիերիստներից է: Նա ՀՀԿ-ական է եւ հայտնի է իր կռվարարությամբ:

Սերգո Խառատյան

Սևակ Խաչատրյան

Սարգիս Մուրադյան