Տարոնի ''քավորի'' համար պաշտոն են ստեղծում

Պաշտոնանկությունների թեման դեռեւս ակտուալ է. քաղաքական կուլիսներում քննարկում են այս կամ այն նախարարի, կառավարությանն առընթեր այս կամ այն մարմնի ղեկավարի հավանական փոփոխության հարցը: Այս ընթացքում շատ խոսվեց նաեւ ՊԵԿ նախագահ Գագիկ Խաչատրյանի պաշտոնանկության մասին:

Yerkir.am-ի տեղեկություններով` Խաչատրյանի պաշտոնանկության դեպքում մտադրություն կա հարկային եւ մաքսային վարչություններն առանձնացնել եւ, ըստ այդմ, երկու կարեւոր պաշտոն ստեղծել:

Մեր աղբյուրների հաղորդմամբ` այս բաժանումը կարող է կապված լինել նաեւ Երեւանի  ավագանու առաջիկա ընտրությունների հետ, եւ չի բացառվում, որ Տարոն Մարգարյանի «քավորին», ով թաղային հեղինակություններից մեկն է, կամ նրա որդուն տրվի մաքսայինի կամ հարկայինի պետի կարեւոր պաշտոնը: