Ըմբշամարտի միջազգային ֆեդերացիան հաստատել է նոր քաշային կարգերը

Ըմբշամարտի միջազգային ֆեդերացիան (FILA) պաշտոնապես հրապարակել է  2016թ. ամառային օլիմպիական խաղերի հունահռոմեական և  ազատ ոճի ըմբշամարտի մրցաշարերի քաշային կարգերը, որոնք ուժի մեջ կմտնեն 2014թ. հունվարի 1-ից:

Հունահռոմեական ոճ. 59 կգ, 66 կգ, 75 կգ, 85 կգ, 98 կգ, 130 կգ:

Ազատ ոճ. 57 կգ, 65 կգ, 74 կգ, 86 կգ, 97 կգ, 125 կգ:

Կանանց ազատ ոճ. 48 կգ, 53 կգ, 58 կգ, 63 կգ, 69 կգ, 75 կգ

Աշխարհի,  Եվրոպայի առաջնություններում, ինչպես նաև տարբեր միջազգային մրցաշարերում ազատ ոճի ըմբշամարտի մրցումներում կգործեն նաև 61 կգ եւ 70 կգ քաշային կարգերը, իսկ հունահռոմեական ոճի ըմբշամարտի մրցումներում՝ 71 կգ և 80 կգ քաշային կարգերը:

Հիշեցնենք, որ FILA-ն կրճատել է օլիմպիական ըմբշամարտի` տղամարդկանց  քաշային կարգերը, որպեսզի կանանց ազատ ոճում ավելացնի ևս երկու քաշային կարգ: