Վահրամ Ավանեսյանը "Կարֆուրի" մասին լավ լուրի հույս ունի

ՀՀ էկոնոմիկայի նախարար Վահրամ Ավանեսյանը լրագրողների հետ զրույցում հույս հայտնեց, որ եկող տարվա առաջին եռամսյակում կունենանք «Կարֆուրի» վերաբերյալ լավ նորություններ: Հարցին' կբացվի՞, թե՞ կհայտարարի բացման ցանկության մասին, պատասխանեց, թե իր համար լավ լուրը բացվելն է:

Իսկ թե մինչ այժմ ինչո՞ւ չի բացվել, ըստ Վահրամ Ավանեսյանի, քննարկումներ են ընթանում, ինքը չի կարող ասել, թե կոնկրետ ինչ խնդիրներ են առաջացել:

«Բայց` պլանային: Համենայն դեպս, առաջին եռամսյակում կլինեն առաջին քայլերը»,- հայտնեց էկոնոմիկայի նախարարը' նշելով, որ չի կարող ասել, կոնկրետ երբ կբացվի, որտեղ կբացվի, քանի որ նման ինֆորմացիայի չի տիրապետում: