Վահրամ Ավանեսյանը կառավարության անդամին չհավատալու հիմքեր չունի

«Ես տեղյակ եմ, որ նման բանակցություններ լինում են, ժամանակ առ ժամանակ' միջկառավարական հանձնաժողովների աշխատանքների ընթացքում, այո'»,- այսօր լրագրողներին ասաց ՀՀ էկոնոմիկայի նախարար Վահրամ Ավանեսյանը' պատասխանելով հարցին, թե, որպես էկոնոմիկայի նախարար, տեղյա՞կ է Իրանից գազ ստանալու բանակցություններից:

Աակայն, Նախարարը տեղյակ չէ, թե իրանական կողմն ինչպիսի գին է առաջարկում 1000 խորանարդ մետր գազի համար:

Երբ լրագրողները հիշեցրեցին, որ էներգետիկայի եւ բնական պաշարների նախարարը հայտարարում էր, թե Իրանը Հայաստանին գազ կվաճառի 400 դոլարով, սակայն այս պահի դրությամբ 180 դոլարով է վաճառում, Վահրամ Ավանեսյանը նշեց, թե որեւէ հիմք չունի կառավարության անդամին չհավատալու: Հայաստանի Հանրապետությանն էլ Իրանի կողմից, նշեց Վահրամ Ավանեսյանը, փողով որեւէ գազ չի մատակարարվում: