Կազանում վթարի ենթարկված ինքնաթիռը վերանորոգվել էր Բրազիլիայում

Երեկ` Մոսկվայի ժամանակով 19։25-ին, վթարի է ենթարկվել Մոսկվա-Կազան չվերթն իրականացնող Boeing 737 ինքնաթիռը: Վայրէջք կատարելու ժամանակ օդանավի թևը դիպել է գետնին, եւ ինքնաթիռը պայթել է:

Ինքնաթիռում եղել են 44 ուղևոր և ինքնաթիռի անձնակազմը: Բոլոր ուղևորները  զոհվել են: Նրանց թվում է եղել նաև Թաթարստանի նախագահ Ռուստամ Միննիխանովի որդին` Իրեկը:

Ըստ ИТАР-ТАСС-ի՝ այդ Boing-737-ը 2001-ին տեղի ունեցած վթարից հետո վերանորոգվել էր Բրազիլիայում: Վթարն այն ժամանակ կրկին տեղի էր ունեցել վայրէջքի ժամանակ: Տարհանման արդյունքում հաջողվել էր փրկել ինքնաթիռի բոլոր` 102 ուղևորներին, սակայն օդանավը զգալիորեն վնասվել էր և վերանորոգման կարիք ուներ: