Բաքվից Գրոզնի թռչող ադրբեջանական ինքնաթիռը վթարի է ենթարկվել Ակտաուում

Ղազախստանի Ակտաու քաղաքում վթարի է ենթարկվել Բաքվից Գրոզնի թռչող ինքնաթիռը։ Այս մասին հայտնում է Ղազախստանի արտակարգ իրավիճակների ծառայությունը։

Նշվում է, որ ընկել է «Ադրբեջանական ավիաընկերության» ինքնաթիռը, որը մինչ վթարը դիմել է արտակարգ վայրէջքի համար, սակայն ընկնում է և անմիջապես հրդեհ բռնկվում։

Ինքնաթիռի կործանման վայրում են Ղազախստանի արտակարգ իրավիճակների նախարարության անձնակազմից 52 մարդ և 11 միավոր տեխնիկա: Փրկարարական ստորաբաժանումները սկսել են հրդեհաշիջման աշխատանքները:

Embraer E190AR ինքնաթիռում եղել է Ռուսաստանի 16, Ադրբեջանի 37, Ղազախստանի 6 և Ղրղզստանի 3 քաղաքացի

Հաղորդվում է, որ Բաքվից Գրոզնի թռչող ինքնաթիռի ուղղությունը փոխվել է դեպի Մախաչկալա, այնուհետև Ակտաու, քանի որ Գրոզնիում մառախուղ է եղել։

Լրատվամիջոցները գրում են, որ կործանման պատճառը եղել է ինքնաթիռի եւ թռչունների երամի բախումը։

Ավելի ուշ Ղազախստանի իշխանությունները հայտնել են, որ կործանված ինքնաթիռում բալոն է պայթել։