Թուրք կուսակցականը հանդիպել է ՀՅԴ Բյուրոյի անդամի հետ

Պարզվել է, որ Թուրքիայի «Խաղաղություն և ժողովրդավարություն» կուսակցության համանախագահ Սելահադդին Դեմիրթաշը Վաշինգտոնում հանդիպել է հայկական սփյուռքի ամենահայրենասեր կուսակցության` ՀՅԴ Բյուրոյի անդամ Հակոբ Տեր-Խաչատուրյանի հետ. հաղորդում է hurriyet.com.tr-ը` հավելելով, որ հանդիպումը տեղի է ունեցել Ամերիկայի Հայ Դատի գրասենյակում:

«Հանդիպման ընթացքում քննարկվել են հայ-քրդական համագործակցության հնարավորությունները, ինչպես նաև Արեմտյան Հայաստանի հողային և Քուրդիստանի հետ ազգային ու ժողովրդավարական նպատակների հետապնդման հարցեր»,- ասել է Հակոբ ՏերԽաչատուրյանը:

Նշենք, որ այս հանդիպման մասին Դեմիրթաշը չի խոսել: